დიასპორისა და კავკასიის საკითხთა კომიტეტის თავმჯდომარის თანამდებობაზე პარლამენტი ბექა ოდიშარიას დღევანდელ პლენარულ სხდომაზე აირჩევს.

ოდიშარიას არჩევის საკითხი სხდომის დღის წესრიგში ერთ-ერთ პირველ საკითხად არის განსაზღვრული. აღნიშნულ პოსტზე ბექა ოდიშარიას კანდიდატურა ბიუროს დღევანდელ სხდომაზე წარედგინა და ბიუროს გადაწყვეტილებითვე საკითხი პლენარული სხდომის დღის წესრიგს დაემატა

მეცხრე მოწვევის პარლამენტში დიასპორისა და კავკასიის საკითხთა კომიტეტს ზვიად კვაჭანტირაძე ხელმძღვანელობდა, თუმცა უმრავლესობიდან გასვლის შემდეგ, მმართველმა გუნდმა, კვაჭანტირაძის აღნიშნული თანამდებობიდან გადაყენების გადაწყვეტილება მიიღო. საბოლოოდ, კვაჭანტირაძემ კომიტეტის თავმჯდომარის პოსტი თავად დატოვა.