საერთო ჯამში გაზრდილია დანაშაულის სტატისტიკა, მაგრამ ე.წ. საშიშ, მძიმე დანაშაულზე გვაქვს კლება, - ამის შესახებ ჟურნალისტებს ფრაქცია „ქართული ოცნების" თავმჯდომარე მამუკა მდინარაძემ განუცხადა.
მისი თქმით, სტატისტიკის მატება ძირითადად აღრიცხვიანობისა და მომართვიანობის გაზრდამ განაპირობა.
„არსებობს ასევე ტენდენცია, რომ გუშინ პირობითად მედიით საერთოდ არ შუქდებოდა კრიმინალი და დღეს სპეციალურად ამისთვის მიძღვნილი სამჯერ და ათჯერ მეტი ახალი ამბავია. სტატისტიკის ზრდა განპირობებულია სტატისტიკის გაუმჯობესებით, თუმცა არსებობს გარკვეული დანაშაულები, რომელთა დაკავშირებითაც მომატებულია სტატისტიკა, მაგალითად - ქურდობა, ოჯახში ძალადობა, ეს მომართვიანობის გაზრდის ხარჯზეა“, - განაცხადა მამუკა მდინარაძემ.