გურჯაანში გარემოს დაცვის კახეთის რეგიონული სამსახურის უფროსი ბესო შუბითიძე დაჭრეს.
როგორც ბესო შუბითიძემ „ინტერპრესნიუსს“ განუცხადა, თანამშრომელთან ერთად გეგმურ შემოვლაზე გურჯაანში, მდინარე ალაზნის ტერიტორიაზე იმყოფებოდა, რა დროსაც ბრაკონიერები შენიშნა.
"მე და ჩემი თანამშრომელი ვიყავით. ორმა უცხო პირმა ჩვენი მისამართით ისროლა. რამდენიმე ჭრილობა მაქვს. ბრაკონიერებს ნიღბები ეკეთათ და სახეები ვერ გავარჩიე", - განაცხადა ბესო შუბითიძემ.
ის გურჯაანის საავადმყოფოშია მოთავსებული.
შსს-ს ცნობით, გამოძიება სისხლის სამართლის კოდექსის 353-ე პრიმა მუხლის II ნაწილით მიმდინარეობს.