„როიტერი“ - დონალდ ტრამპმა გოლანის მაღლობებთან დაკავშირებით დოკუმენტს ხელი შესაძლოა, მომავალ კვირას მოაწეროს

ამერიკელი მაღალჩინოსნები ამზადებენ ოფიციალურ დოკუმენტაციას აშშ-ის მიერ გოლანის მაღლობებისადმი ისრაელის სუვერენიტეტის ცნობასთან დაკავშირებით, რომელსაც ქვეყნის ლიდერი დონალდ ტრამპი მომავალ კვირას მოაწერს ხელს. ამის შესახებ „როიტერი“ პრეზიდენტის ადმინისტრაციაში მაღალჩინოსანზე დაყრდნობით იუწყება.

როგორც ცნობილია, ამერიკის პრეზიდენტმა დონალდ ტრამპმა „ტვიტერის“ პირად გვერდზე გუშინ დაწერა, რომ შეერთებულმა შტატებმა უნდა აღიაროს ისრაელის სრული სუვერენიტეტი გოლანის მაღლობებზე.

ამასთან, 25-26 მარტს ამერიკის პრეზიდენტი თეთრ სახლში ისრაელის პრემიერმინისტრს ბენიამინ ნეთანიაჰუს მიიღებს.