ფრანკფურტის პროკურატურა ათი ადამიანის დაკავების შესახებ იუწყება, რომლებიც ავტომანქანისა და იარაღის გამოყენებით თავდასხმების მოწყობას გეგმავდნენ.
გამოცემა „დოიჩე ველეს“ ინფორმაციით, ეჭვმიტანილები საპოლიციო რეიდების დროს დააკავეს, რომელშიც 200 პოლიციელი მონაწილეობდა. დაკავებულთა ასაკი 20-დან 42 წლამდეა. რომელი ქვეყნის მოქალაქეები არიან ისინი, ინფორმაცია არ ვრცელდება. ყველა მათგანი დაკავშირებულია ადგილობრივ ისლამისტურ სალაფიტურ თემთან.
გამოძიების ინფორმაციით, აღნიშნული პირები გეგმავდნენ რაც შეიძლება მეტი „ურწმუნოს“ მოკვლას.
პოლიციამ რეიდის დროს მათგან 20 ათასი ევრო, დანები, ნარკოტიკები, სხვადასხვა დოკუმენტები და ელექტრონული მოწყობილობები ამოიღო.