ბათუმში, ლერმონტოვის ქუჩის 80 ნომერში ხანძარია. როგორც საგანგებო სიტუაციების მართვის სამსახურში "ინტერპრესნიუსს" განუცხადეს, ცეცხლი ბარაკის ტიპის საცხოვრებელ სახლს გაუჩნდა.

ბათუმის სასწრაფო სამედიცინო დახმარების ცენტრის ინფორმაციით, შემთხვევის შედეგად არავინ დაშავებულა. მათივე ცნობით, ტერიტორიაზე მყოფმა ერთმა ადამიანმა უმნიშვნელო დამწვრობა მიიღო.

საგანგებო სიტუაციების მართვის სამსახურში ამბობენ, რომ შემთხვევის ადგილზე სახანძრო ბრიგადებია მობილიზებული და ხანძრის ლოკალიზება მიმდინარეობს.

იხილეთ ვიდეო: ბათუმში ძლიერი ხანძარია - ცეცხლი ბარაკს გაუჩნდა