შსს-მ ვარკეთილში ტექნიკის მაღაზია „სმაილის“ გაქურდვის საქმე გახსნა

შინაგან საქმეთა სამინისტრომ თბილისში, ვარკეთილში მდებარე ტექნიკის მაღაზიის „სმაილის“ გაქურდვის საქმე გახსნა. აღნიშნული ინფორმაცია „ინტერპრესნიუსს“ შინაგან საქმეთა სამინისტროდან აცნობეს.

როგორც უწყებაში აცხადებენ, დანაშაულის ჩამდენი პირები არასრულწლოვნები არიან.

„შინაგან საქმეთა სამინისტროს ისანი- სამგორის სამმართველოს თანამშრომლებმა, ჩატარებული ოპერტიულ და საგამოძიებო მოქმედებების შედეგად, ქურდობის ბრალდებით 2004 წელს დაბადებული გ.ვ. და 2002 წელს დაბადებული ლ.ა. ქურდობაში ამხილეს.

გამოძიებით დადგინდა, რომ 23 მარტს, არასრულწლოვნებმა ვარკეთილში მაღაზია “სმაილი” გაქურდეს და შემთხვევის ადგილიდან მიიმალნენ. პოლიციამ ნაქურდალი ნივთები ნივთმტკიცებად ამოიღო“,- აცხადებენ შინაგან საქმეთა სამინისტროში.

გამოძიება საქართველოს სისხლის სამართლის კოდექსის 177-ე მუხლის მე- 2 ნაწილით მიმდინარეობს.

ტექნიკის მაღაზია „სმაილი“ დღეს დილით გაქურდეს. მაღაზიიდან ორი ჰოვერბორდი წაიღეს.