25 მარტს, სასტუმრო “თბილისი რუმსში“, საპარლამენტო რეფორმის მიმდინარეობასა და პირველად შედეგებზე იმსჯელებენ. პარლამენტის ახალი რეგლამენტის მიღებიდან 100 დღეში მიღწეულ შედეგებს პარლამენტის თავმჯდომარე ირაკლი კობახიძე და პირველი ვიცე-სპიკერი თამარ ჩუგოშვილი შეაჯამებენ.
პარლამენტის პრესსამსახურის ინფორმაციით, შეხვედრის მონაწილეებს მიმართავენ ევროკავშირის ელჩი საქართველოში კარლ ჰარცელი და საქართველოში გაეროს განვითარების პროგრამის (UNDP) ხელმძღვანელი ლუიზა ვინტონი.
ღონისძიების ორგანიზატორია საქართველოს პარლამენტი, ხოლო ხელშემწყობები - ევროკავშირი (EU) და გაეროს განვითარების პროგრამა (UNDP) მათი ფართო ინიციატივის ფარგლებში, რომელიც საქართველოს პარლამენტარიზმის განვითარებას ემსახურება.