ინგლისის მთავრობის წევრებს ტერეზა მეის გადადგომა სურთ

დიდი ბრიტანეთის მთავრობის მინისტრების უმეტესობა პრემიერ-მინისტრის ტერეზა მეის გადადგომას ითხოვს, რომლის შემცვლელადაც დევიდ ლიდინგტონს ასახელებენ. ამის შესახებ „The Times“ იუწყება.

გამოცემის ინფორმაციით, მინისტრებმა კერძო სატელეფონო საუბრების სერია გამართეს და შეთანხმდნენ, რომ პრემიერ-მინისტრმა გადადგომის შესახებ უნდა განაცხადოს.

„თაიმსის“ ინფორმაციით, ჟურნალისტები ესაუბრნენ 11 მინისტრს, რომლებმაც დაადასტურეს, რომ სურთ, პრემიერ-მინისტრმა თანამდებობა ვინმე სხვას დაუთმოს.

მინისტრები ტერეზა მეისთან შეხვედრას ორშაბათისთვის, მთავრობის სხდომაზე გეგმავენ, რომლის დროსაც მისი თანამდებობიდან წასვლას მოითხოვენ. უარის შემთხვევაში, ისინი მასობრივად გადადგებიან, ან საჯაროდ მოითხოვენ მის მიერ თანამდებობის დატოვებას. გამოცემის ინფორმაციით, სულ მცირე, ექვსი მინისტრია მომხრე, პრემიერ-მინისტრის თანამდებობა თემთა პალატის ლიდერმა დევიდ ლიდინგტონმა დაიკავოს, რომელიც „ბრექსითის“ პროცესს დაასრულებს.

იხილეთ ვიდეო: ბრიტანეთის მთავრობის წევრებს ტერეზა მეის გადადგომა სურთ

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს