17 მარტს, დიდ დიღომში ხანძრის შედეგად დამწვარი საწყობის მფლობელი ცეცხლის განზრახ გაჩენაში ყოფილ ბიზნესპარტნიორს ადანაშაულებს. ამის შესახებ ბიზნესმენმა პაატა ნოზაძემ „კვირის პალიტრასთან“ ექსკლუზიურ ინტერვიუში განაცხადა.
მისი თქმით, ყოფილ ბიზნესპარტნიორ თენგიზ ჭანტურიასთან 5-წლიანი სასამართლო დავა აქვს და სწორედ ამას უკავშირებს საწყობისთვის ხანძრის გაჩენას. პაატა ნოზაძის ვერსიით, მისმა ყოფილმა ბიზნესპარტნიორმა ცეცხლის გასაჩენად ის მოქალაქე დაიქირავა, რომელიც შემთხვევის ადგილას მაშველებმა დაშავებული იპოვეს.
„ ჩემი ვერსიით, ეს ბიჭი შემოვიდა ჭანტურიას საწყობის მხრიდან, კარი გასაღებით გააღო და 4-მეტრიანი რკინის ღობიდან, ჩვენს მხარეს, სავარაუდოდ, „მოლოტოვის კოქტეილის“ მსგავსი ასაფეთქებელი გადმოაგდო“, - აღნიშნავს პაატა ნოზაძე.
ბიზნესმენის ინტერვიუს სრულ ვერსიას „კვირის პალიტრის“ 25 მარტის ნომერში იხილავთ.