ნატო-ს გენერალური მდივანი იენს სტოლტენბერგი ამ წუთებში საქართველოს პრემიერ-მინისტრს ხვდება.
მთავრობის ადმინისტრაციაში მიმდინარე შეხვედრის დასრულების შემდეგ მხარეები პრესისთვის ოფიციალურ განცხადებებს გააკეთებენ.
მთავრობის ადმინისტრაციიდან ნატო-ს გენერალური მდივანი პრეზიდენტის სასახლეში გადაინაცვლებს, სადაც მას სალომე ზურაბიშვილი უმასპინძლებს. დღის განმავლობაში დაგეგმილია შეხვედრები ირაკლი კობახიძესა და პარლამენტის წევრებთან.
ნატოს გენერალური მდივანი ასევე ეწვევა ნატო-ს წვრთნებისა და შეფასების ერთობლივ ცენტრს და დაესწრება მის მიერ ორგანიზებულ ნატო-საქართველოს სწავლებას.
სტოლტენბერგის ვიზიტი საქართველოში დღესვე დასრულდება.
ნატო-ს გენერალური მდივანი თბილისს 24 მარტს ეწვია.