ლადო კახაძე უალტერნატივო კანდიდატია, რომელიც პარლამენტის შუალედურ არჩევნებში ღირსეულად გაიმარჯვებს, - ამის შესახებ ჟურნალისტებს იურიდიულ საკითხთა კომიტეტის თავმჯდომარე ანრი ოხანაშვილმა განუცხადა.
„ლადო კახაძის პიროვნება საზოგადოებისთვის ძალიან კარგად არის ცნობილი. ეს ადამიანი ნამდვილად იქნება დეპუტატი, რომელიც პარლამენტს გაამდიდრებს“, - აღნიშნა ანრი ოხანაშვილმა.
შეგახსენებთ, „ქართულმა ოცნებამ“ მთაწმინდის შუალედურ არჩევნებში მაჟორიტარ კანდიდატად ცნობილი ექიმი ლადო კახაძე წარადგინა.