გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ „ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 27 მარტს, 15:00 საათიდან 18:00 საათამდე, ელექტროენერგიის მიწოდება შეეზღუდებათ აბონენტებს სოფელ დიღომში და დიდ დიღომში, ხოლო 10:00 საათიდან 18:30 საათამდე - აბონენტებს: გლდანში, მამკოდაში, მშრალხევში.
11:00 საათიდან 12:00 საათამდე ძაბვა შეუწყდება აბონენეტებს მცხეთის მუნიციპალიტეტის სოფლებში: წილკანი, ფრეზეთი, მცხეთის/ერედა, ახალდაბა და მიმდებარე სოფლებში.
12:00 საათიდან 15:00 საათამდე ელექტროენერგია გამოირთვება სოფლებში საგურამო, ზედაზენი, ხოლო 12:00 საათიდან 13:00 საათამდე - სოფლებში: წეროვანი და ზემო წეროვანში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.