საქართველოში კარტოფილის მეთესლეობის გაუმჯობესების ეროვნული გეგმა შემუშავდა

საქართველოში კარტოფილის მეთესლეობის გაუმჯობესების ეროვნული გეგმა შემუშავდა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, საქართველოში კარტოფილის მეთესლეობის გაუმჯობესების ეროვნული გეგმა სსიპ „სოფლის მეურნეობის სამეცნიერო-კვლევითი ცენტრისა“ და „კარტოფილის საერთაშორისო ცენტრის“ (CIP) ერთობლივი პროექტის ფარგლებში შემუშავდა. სამწლიანი პროექტი – „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“, 2017 წლიდან ხორციელდება და მისი ფინანსური მხარდამჭერი ავსტრიის განვითარების სააგენტოა (ADA).

„საქართველოს ნიადაგურ-კლიმატური პირობებიდან გამომდინარე, განსაკუთრებით მაღალმთიან რეგიონებში, ჩვენ საუკეთესო ხარისხის სათესლე კარტოფილის წარმოების პოტენციალი გვაქვს. აღსანიშნავია, რომ ხშირად დაბალი მოსავლიანობის მიზეზი სწორედ კარგი სათესლე კარტოფილის დეფიციტი, ჯიშების არასწორი შერჩევა და ვირუსული და ბაქტერიული დაავადებებია. სწორედ ამიტომ, სოფლის მეურნეობის სამეცნიერო-კვლევითი ცენტრის პრიორიტეტი ამ მიმართულებით სიტუაციის გაუმჯობესებაა“, - განაცხადა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ.

სამინისტროს განცხადებით, კარტოფილი მეთესლეობის გაუმჯობესების ეროვნული გეგმა ახალი გენოტიპების შემოტანას, ვირუსებისადმი გამძლე ჯიშების იდენტიფიკაციას და კატალოგის შექმნას, ჯიშობრივ კვლევებს, სპეციალისტების და ფერმერების გადამზადებას, საჭირო ტექნიკის ადაპტაციას, ბიზნესშესაძლებლობების განვითარების ანალიზს და ჯანსაღი სათესლე მასალის მიღებით მოსავლიანობის მკვეთრ ზრდას ითვალისწინებს.

საქართველოში კარტოფილის მეთესლეობის გაუმჯობესების ეროვნული გეგმის წარდგენას საერთაშორისო ექსპერტი ხორხე ანრადე-პიედრა, სოფლის მეურნეობის მეცნიერებათა აკადემიის პრეზიდენტი გურამ ალექსიძე, სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე, სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე, გაერო-ს სურსათისა და სოფლის მეურნეობის ორგანიზაციის (FAO), კარტოფილის საერთაშორისო ცენტრის (CIP), გარემოს დაცვისა და სოფლის მეურნეობის სამინისტროს და სამინისტროს სისტემაში შემავალი შესაბამისი უწყებების წარმომადგენლები ესწრებოდნენ.

პროექტის ფარგლებში უკვე ჩატარდა 34 ტრენინგი - სოფლის მეურნეობის საინფორმაციო-საკონსულტაციო სამსახურის 22 წარმომადგენელი, 120 მეცნიერი და 150-მდე ფერმერი გადამზადდა.

საქართველოში კარტოფილი მნიშვნელოვან კულტურას წარმოადგენს და ის, დაახლოებით, 20 000 ჰექტარზე იწარმოება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია