წითელ ხიდზე CAREC-ის ქვეყნების წარმომადგენლები იმყოფებოდნენ

„SPS სისტემის მოდერნიზაცია ვაჭრობის გამარტივებისათვის“ პროექტის ფარგლებში, დღეს, საბაჟო გამშვებ პუნქტს ,,წითელი ხიდი“, CAREC-ის ქვეყნების წარმომადგენლები ეწვივნენ, - ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს.

მათივე ცნობით, დელეგაციის წევრებმა სასაზღვრო ინსპექციის პუნქტი დაათვალიერეს და ადგილზე გაეცნენ სანიტარიულ, ფიტოსანიტარიულ და ვეტერინარულ სასაზღვრო კონტროლის პროცედურებს.

„წითელ ხიდზე“ სტუმრებს შემოსავლების სამსახურის საბაჟო და საერთაშორისო დეპარტამენტების წარმომადგენლები ახლდნენ.

CAREC-ის ქვეყნების წარმომადგენლები, საქართველოში, ფინანსთა სამინისტროს შემოსავლების სამსახურის მხარდაჭერითა და აზიის განვითარების ბანკის (ADB) დაფინანსებით, 25-27 მარტს, სამუშაო შეხვედრის „მავნე ორგანიზმებზე რეგიონალური ზედამხედველობის პოლიტიკის საკითხებზე დიალოგი“- ფარგლებში იმყოფებოდნენ.

ვიზიტის მიზანს, CAREC-ის ქვეყნებს შორის ფიტოსანიტარიული მიმართულებით, მავნე ორგანიზმებზე ზედამხედველობის კუთხით, გამოცდილებისა და სიახლეების გაზიარება და ერთობლივი კონცეფციის შემუშავება წარმოადგენდა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს