„ქუთაისის საუნივერსიტეტო კომპლექსისთვის" ფართის გადაცემას ქუთაისის  საკრებულოს სხდომაზე დაპირისპირება მოჰყვა

ქუთაისის მერიის გადაწყვეტილებას, ა(ა)იპ „ქუთაისის საუნივერსიტეტო კომპლექსისთვის" ფართის გადაცემასთან დაკავშირებით, საკრებულოზე დაპირისპირება მოჰყვა. საკრებულოს ოპოზიცია ფართის უსასყიდლოდ, უზუფრუქტის ფორმით გადაცემას გაუმართლებლად მიიჩნევს. საკრებულოს ფრაქცია "ნაციონალური მოძრაობის" თავმჯდომარე გიგა შუშანიას აცხადებს, რომ მერია ტერიტორიას უსასყიდლოდ არ უნდა გასცემდეს, თანაც იმ უნივერსიტეტისთვის, რომლის მხოლოდ საძირკველი მესამე წელია შენდება.

მას, ასევე მიაჩნია, რომ 60 000 სტუდენტის ნაცვლად, 3 000 სტუდენტის მოზიდვა ქუთაისის ეკონომიკაზე ვერ აისახება.

„მშენებლობის პროცესი საგრძნობლად გაიწელა, იქ მხოლოდ ბაყაყების ყიყინი ისმის და საეჭვოა, რომ ოდესმე ქუთაისმა 60 ათასი სტუდენტი მიიღოს. ამის ფონზე, ე.წ. რექტორი წლიურად 118 000 ლარს იღებს არარსებული უნივერსიტეტის რექტორობიდან“, - განაცხადა გიგა შუშანიამ.

ქუთაისის მერიაში განმარტავენ, რომ ა(ა)იპ-ს დამატებითი ტერიტორია სამუშაოების საწარმოებლად სჭირდებოდა და მიწის ნაკვეთი მერიას, სამუშაოების დასრულებისთანავე დაუბრუნდება.

ქუთაისის მერის, გიორგი ჭიღვარიას თქმით, 15 მაისისთვის დასრულდება პირველი კორპუსის მშენებლობა, რომელიც 7-სართულიანი იქნება.

„რაც შეეხება სამშენებლო სამუშაოების გაწელილ პროცესს, ამის მიზეზი ისაა, რომ დაიდო ხელშეკრულება მიუნხენის უნივერსიტეტთან, რის შედეგადაც მოგვიწია პროექტის გადაკეთება. მიმდინარეობს სამუშაოები, ყველაფერი ხარისხიანი იქნება. სტუდენტებს პირველად 2020 წელს მივიღებთ“, - განმარტა გიორგი ჭიღვარიამ.

მერიაში ასევე არ ადასტურებენ, რომ ადგილზე ბეტონის ქარხანა უნებართვოდ აშენდა.

მერიის ეკონომიკის სამსახურის უფროსის გიორგი გიორგობიანის თქმით, ქარხნის მოწყობის შესახებ მერია ინფორმირებული იყო და თანხმობა მას შემდეგ გაიცა, რაც ა(ა)იპ-მა ტერიტორია ოფიციალურად მოითხოვა.

ა(ა)იპ-ისთვის 8 000 კმ. მეტრი ფართობის გადაცემას საკრებულომ მხარი დაუჭირა.

შეგახსენებთ, ფონდმა „ქართუმ" ქუთაისში საუნივერსიტეტო კომპლექსის მშენებლობა 2016 წელს დაიწყო.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის