დიახ, ეს ნამდვილად ასე იყო, - ასეთი პასუხი გასცა ფრაქცია “ქართული ოცნების“ თავმჯდომარემ მამუკა მდინარაძემ კითხვას, თუ რამდენად სწორია ინფორმაცია, რომლის მიხედვით, ბიძინა ივანიშვილი ეკა ბესელიას “ქართული ოცნების“ საარჩევნო სიაში ჩაწერის წინააღმდეგი იყო.
“მაშინ ბიძინა ივანიშვილი პარტიულ საქმიანობაში აქტიურად არ იყო ჩართული. მაშინ ის მხოლოდ რჩევით შემოიფარგლა“, - დასძინა მდინარაძემ.
მდინარაძემ დღეს ეკა ბესელიას კრიტიკის შეფასებისგან თავი შეიკავა და ჟურნალისტებს განუცხადა, რომ ლანძღვა-გინებასა და ჭორაობაზე კომენტარების კეთებას აღარ აპირებს.
“პარლამენტში გაცილებით მეტი სერიოზული საქმეა საკეთებელი. საზოგადოება ამ ჭორაობითა და ლანძღვით დაიღალა. ეს საზოგადოებრივი ინტერესი ნამდვილად არის“, - განუცხადა ჟურნალისტებს მამუკა მდინარაძემ.