მამუკა მდინარაძე - პირადი ცხოვრების ამსახველი ჩანაწერების გავრცელება, პირველ რიგში, ხელისუფლებას და სამართლდამცავ ორგანოებს ურტყამს

პირადი ცხოვრების ამსახველი ფარული ჩანაწერების გავრცელება პირველ რიგში ხელისუფლებას და სამართლდამცავ ორგანოებს ურტყამს - ეს არის საკითხი, სადაც ვართ პრინციპული და შეუვალი, - ამის შესახებ ჟურნალისტებს ფრაქცია “ქართული ოცნების“ თავმჯდომარემ მამუკა მდინარაძემ განუცხადა.

დეპუტატის თქმით, ამ საქმეში ნებისმიერი პირის მიმართ არის სოლიდარული, ვისაც არ უნდა ეხებოდეს.

“ეს ის საკითხია, რომელთან დაკავშირებითაც ყოველგვარი პირობების გარეშე, მოგვწონს თუ არა რომელიმე ადამიანი, ვინც შეიძლება ასეთი ვიდეო კადრების გავრცელების მსხვერპლი აღმოჩნდეს, მის მიმართ სოლიდარული უნდა ვიყოთ. მოვუწოდებ სამართლდამცავებს, რომ მსგავსი საქმეები ბოლო დეტალებამდე გამოიძიონ და ამ ქვეყანაში მსგავსი კადრების გავრცელება ერთხელ და სამუდამოდ, დამთავრდეს“, - განაცხადა მდინარაძემ.

მანვე დასძინა, რომ დამნაშავე უნდა დაისაჯოს მკაცრად პრევენციის მიზნით, რათა კანონით დაცული სიკეთე არასდროს შეილახოს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე