პირადი ცხოვრების ამსახველი ფარული კადრების გავრცელების ბრალდებით, სამართალდამცველებმა ახალგაზრდა ბიჭი აჭარაში დააკავეს.
როგორც დაკავებულის დეიდამ, ლილი ტაკიძემ „ინტერპრესნიუსს“ განუცხადა, ღამის 03:00 საათზე სამართალდამცველები სახლში მივიდნენ და გამოუცხადეს, რომ მისი დისშვილი ჯარში მიჰყავდათ.
„მოტყუებით დააკავეს და გადაიყვანეს, ჩვენ კი არაფერი განგვიმარტეს, რისთვის აკავებდნენ ბიჭს, რომელიც აბიტურიენტია. ბრალდება მედიასაშუალებებით გავიგეთ. საცხოვრებელი სახლი გაჩხრიკეს, როგორც სოფელ კაპრეშუმში, ასევე შუახევში, სოფელ ზემოხევში, სადაც დაკავებული ბიჭის მშობლები ცხოვრობენ. ჩემი დისშვილი აბიტურიენტია და დროებით ჩემთან ცხოვრობდა და გაურკვეველია, რატომ ედავებიან აღნიშნულს“, - განაცხადა ლილი ტაკიძემ.
შს სამინისტროს ინფორმაციით, დაკავებული არასრულწლოვანია, თუმცა ოჯახის განცხადებით, ის 18 წლისაა.