ყაზახეთში სამხედრო ვერტმფრენის ჩამოვარდნას 13 ადამიანი ემსხვერპლა. ამის შესახებ რუსული მედია იუწყება.
ქვეყნის შსს-ს საგანგებო სიტუაციების კომიტეტის ინფორმაციით, მი-8 ტიპის ვერტმფრენი, რომლის ბორტზე 13 ადამიანი იმყოფებოდა, ყიზილორდინსკის ოლქში ჩამოვარდა. საჰაერო ტრანსპორტი ქვეყნის თავდაცვის სამინისტროს ეკუთვნოდა.
ქვეყნის პრეზიდენტი კისიმ-ჟომარტ ტოკაევი „ტვიტერის“ პირად გვერდზე წერს, რომ ვერტმფრენი სამხედრო სწავლების ფარგლებში, აქტაუ-შიმკენტის რეისს ასრულებდა. ის დაღუპულთა ოჯახებს უსამძიმრებს. დაწყებულია გამოძიება.