სუს-ის ანგარიშის თანახმად, რადიოაქტიური ნივთიერებებისადმი უკანონო მოპყრობის ფაქტზე გამოძიება სისხლის სამართლის ორ საქმეზე დაიწყო

საქართველოს სახელმწიფო უსაფრთხოების სამსახურის მიერ, 2018 წლის 1-ელი იანვრიდან 31 დეკემბრის ჩათვლით, რადიოაქტიური ნივთიერებებისადმი უკანონო მოპყრობის ფაქტზე გამოძიება სისხლის სამართლის 2 საქმეზე დაიწყო. ამის შესახებ სახელმწიფო უსაფრთხოების სამსახურის 2018 წლის ანგარიშშია ნათქვამი, რომელიც პარლამენტს გადაეგზავნა.

როგორც ანგარიშშია აღნიშნული, შავი ზღვის რეგიონში არსებული ბირთვული საფრთხეები, მათ შორის, რუსეთის ფედერაციის მიერ ოკუპირებულ ტერიტორიებზე შექმნილი ვითარება და უკრაინის მიერ წვდომის დაკარგვა ატომურ ელექტროსადგურებზე თავისთავად უარყოფით გავლენას ახდენს რეგიონში ბირთვული უსაფრთხოების რეჟიმზე და საჭიროებს განსაკუთრებულ საერთაშორისო ძალისხმევას.

ამავე ანგარიშის თანახმად, რეგიონის ზოგიერთ ქვეყანაში განთავსებული მოძველებული ატომური ობიექტები ასევე გარკვეული საფრთხის შემცველია.

ქიმიური, ბიოლოგიური, რადიაციული და ბირთვული უსაფრთხოების სფეროში სამსახურის მთავარი პარტნიორები არიან ამერიკის შეერთებული შტატები, დიდი ბრიტანეთი, ევროკავშირისა და ნატო-ს წევრი ქვეყნები. სამსახური წარმატებით აგრძელებს თანამშრომლობას ატომური ენერგიის საერთაშორისო სააგენტოსთან, გაერო-ს დანაშაულისა და მართლმსაჯულების კვლევის რეგიონთაშორის ინსტიტუტთან და სხვა საერთაშორისო ორგანიზაციებთან.

„სამსახური ასევე წარმატებით აგრძელებს სახელმწიფო საზღვარზე არსებული რადიაციული კონტროლის სისტემების ტექნიკურ და პროგრამულ უზრუნველყოფას. აღნიშნული სისტემების განვითარების მიზნით, აშშ-ის მხარდაჭერით, 2018 წელს ექსპლუატაციაში შევიდა “პერსონალური განგაშის სისტემის” განახლებული ვერსია, ასევე განხორციელდა „ეროვნული საკომუნიკაციო სისტემის“ ახალი ფუნქციების შემუშავება.

ქიმიური, ბიოლოგიური, რადიაციული და ბირთვული უსაფრთხოების სფეროში მიღწეული წარმატებების მხრივ საქართველო აღმოსავლეთ ევროპის რეგიონის ერთ-ერთ წამყვან ქვეყნად ჩამოყალიბდა. ამერიკელი და ევროპელი პარტნიორების მხრიდან არაერთხელ აღინიშნა, რომ საქართველო სახელმწიფო უწყებებს შორის ეფექტური კოორდინაციისა და წარმატებული თანამშრომლობის მაგალითია“, - ნათქვამია ანგარიშში.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ