ერთი წლის მანძილზე, სუს-ის თანამშრომლებს სხვადასხვა დისციპლინური გადაცდომისთვის 134 დისციპლინური სახდელი დაეკისრათ

საქართველოს სახელმწიფო უსაფრთხოების სამსახურის მიერ, 2018 წლის 1 იანვრიდან 31 დეკემბრის ჩათვლით,212 სამსახურებრივი შემოწმებისა და მომზადებული დასკვნების საფუძველზე, სახელმწიფო უსაფრთხოების სამსახურის მოსამსახურეებს სხვადასხვა დისციპლინური გადაცდომისთვის 134 დისციპლინური სახდელი დაეკისრათ.

ამის შესახებ სახელმწიფო უსაფრთხოების სამსახურის 2018 წლის ანგარიშშია ნათქვამი, რომელიც პარლამენტს გადაეგზავნა.

ანგარიშის თანახმად, სამსახურიდან დაითხოვეს 8 თანამშრომელი, თანამდებობიდან ჩამოქვეითდა 1, სასტიკი საყვედური გამოეცხადა 19 პირს, საყვედური - 12-ს, შენიშვნა - 4. ამასთან, 2018 წელს სახელმწიფო უსაფრთხოების სამსახურის გენერალურ ინსპექციაში გამოძიება დაიწყო სისხლის სამართლის 6 საქმეზე.

„2018 წელს სისტემაში გამოვლინდა ეთიკის, დისციპლინური ნორმების დარღვევის, სამსახურებრივი მოვალეობების არაჯეროვანი შესრულებისა და კონკრეტულ მართლსაწინააღმდეგო ქმედებათა ჩადენის ფაქტები და განხორციელდა სათანადო რეაგირება“, - ნათქვამია ანგარიშში.

ამავე ანგარიშში აღნიშნულია, რომ მაღალკვალიფიციური და გამოცდილი კადრების შენარჩუნების მიზნით, სახელმწიფო უსაფრთხოების სამსახური მუდმივად ცდილობს მათ წახალისებასა და მოტივირებას. 2018 წლის განმავლობაში კანონმდებლობით დადგენილი წესით სამსახურის მხრიდან 1392 მოსამსახურე სხვადასხვა ფორმით იქნა წახალისებული, მათ შორის, სამსახურის მედლით, სიგელითა და სამკერდე ნიშნით.

ცნობისთვის, 2018 წლის 31 დეკემბრის მდგომარეობით, უწყებაში დასაქმებულთა რაოდენობა 3224 მოსამსახურეს შეადგენდა, მათ შორის, ქალი - 415 (12,9%), ვადიანი სამხედრო მოსამსახურე – 359, ხოლო ხელშეკრულებით (შტატგარეშე) - 218.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ