გიგლა ბარამიძე - ნინო ბურჯანაძე და მისი პარტია 2020 წლის საპარლამენტო არჩევნებში ღირსეულად წარსდგება

„დემოკრატიული მოძრაობის“ პოლიტიკური მდივნის გიგლა ბარამიძის განცხადებით, პარტია შექმნის დღიდან იყო და არის დამოუკიდებელი და დგას ეროვნულ ინტერესებსა და ღირებულებებზე. ბარამიძის თქმით, პარტია არასოდეს არავის მიკედლებია და ამას არც მომავალში აპირებს.

ბარამიძის განმარტებით, 20 პოლიტიკური პარტიის გაერთიანება მოხდა მხოლოდ ერთ საკითხზე, რასაც პროპორციულ სისტემაზე გადასვლა ჰქვია, სხვა დანარჩენ საკითხებზე პარტიების გაერთიანება ამ ეტაპზე გამორიცხულია.

„საზოგადოებისგან დამალულად და ამომრჩევლისგან ფარულად ნინო ბურჯანაძეს და მის პარტიას, არასოდეს არავისთან მოლაპარაკებები და შეთანხმებები არ გაუმართავს, ისეთი როგორსაც დღეს ჩვენ ვხედავთ გნებავთ „ოცნებისგან“ და გნებავთ „ნაციონალური მოძრაობისგან“ თუ მის ტყუპისცალ „ევროპულ საქართველოსგან“, - აცხადებს ბარამიძე.

როგორც პარტიის პოლიტიკური მდივანი აღნიშნავს „დემოკრატიული მოძრაობა“ გეგმავს უახლოეს პერიოდში ყრილობის ჩატარებას და იწყებს იმ სტრუქტურების გააქტიურებას, რომელიც მნიშვნელოვანია 2020 წლის საპარლამენტო არჩევნებისთვის.

„ჩვენი მომხრეების უმეტესობა არასოდეს არ ყოფილა ჩვენთან ფულის გამო, რადგან ბევრი ფული ჩვენს პარტიას არასოდეს არ ჰქონია. კიდეც რომ გვქონოდა, მაინც არ დავხარჯავდით ადამიანების მოყვანის გამო ფულს, რადგან ვიღაცა ყოველთვის გამოჩნდება ვინც მეტს გადაუხდის და იქით წავა. ჩვენ გვყავს საკმაოდ კარგი ადამიანები, რომელიც მხარდაჭერას გვიცხადებენ, რომლებიც ჩვენთან ერთად იბრძოლებენ, რათა აღარ გვქონდეს ქვეყანაში მურუსიძის და ჩინჩალაძის სასამართლო, აღარ ისხდნენ პარლამენტში ისეთი მაჟორიტარები, რომლებიც არჩევნებიდან არჩევნებამდე თავიანთ რაიონში არ მიდიან ხალხთან სასაუბროდ, იბრძოლებენ იმისთვის რომ არც რუსის ჯარისკაცი იდგეს ჩვენს მიწაზე და არც ამერიკის, ჩვენ გვყავს ხალხი, რომელსაც ჩვენი ჯერა და გვენდობა. აქედან გამომდინარე, დამერწმუნეთ, რომ ნინო ბურჯანაძე და მისი პარტია 2020 წლის საპარლამენტო არჩევნებში ღირსეულად წარსდგება“, - განაცხადა გიგლა ბარამიძემ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ