ლევან იზორია - საქართველო მზად არის გახდეს ნატო-ს წევრი და ეს უკვე პოლიტიკურ გადაწყვეტილებაზეა დამოკიდებული

საქართველოს თავდაცვის მინისტრის ლევან იზორიას განცხადებით, ჩრდილოატლანტიკურ ალიანსში საქართველოს გაწევრიანებისთვის მხოლოდ პოლიტიკური გადაწყვეტილება რჩება. ამის შესახებ იზორიამ ჟურნალისტებს მთავრობის სხდომის დასრულების შემდეგ განუცხადა.

როგორც თავდაცვის უწყების ხელმძღვანელმა აღნიშნა, საქართველო მზად არის გახდეს ნატო-ს წევრი ქვეყანა.

„რჩება ერთადერთი - პოლიტიკური გადაწყვეტილება, რომელიც ნატო-ს წევრმა ქვეყნებმა უნდა მიიღონ. დარწმუნებული ვარ, რომ ამ გადაწყვეტილებას კონსენსუსის საფუძველზე მიიღებენ ალიანსის წევრი ქვეყნები. თუმცა, მინდა აღვნიშნო და ეს ხაზგასმით თქვა ბატონმა სტლტენბერგმა, რომ საქართველო მზად არის გახდეს ნატო-ს წევრი ქვეყანა და ეს უკვე პოლიტიკურ გადაწყვეტილებაზეა დამოკიდებული“, - განაცხადა იზორიამ.

რაც შეეხება შავი ზღვის უსაფრთხოების საკითხს, როგორც იზორიამ აღნიშნა, ნახავენ კონკრეტულ ინიციატივებს, რომლის საფუძველზეც პარტნიორებთან ერთად ითანამშრომლებენ რეგიონში უსაფრთხოების გასაძლიერებლად.

იხილეთ ვიდეო

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს