თამარ ჩუგოშვილმა ებრაული კულტურული მემკვიდრეობის დაცვის ევროპული ასოციაციის გენერალური ასამბლეის სხდომის მონაწილეებს მისასალმებელი სიტყვით მიმართა

საქართველოს პარლამენტის თავმჯდომარის პირველი მოადგილე, ისრაელის სახელმწიფოს პარლამენტთან მეგობრობის ჯგუფის ხელმძღვანელი თამარ ჩუგოშვილი ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ) გენერალური ასამბლეის სხდომის გახსნას დაესწრო, რომელიც „ისრაელის სახლის“ ორგანიზებით გაიმართა. ინფორმაციას ამის შესახებ პარლამენტის პრესცენტრი ავრცელებს.

სხდომა საქართველოს განათლების, მეცნიერების, კულტურისა და სპორტის სამინისტროში ღონისძიებებით დაიწყო. აღნიშნულთან დაკავშირებით, თბილისს AEPJ-სა და კულტურული მარშრუტების ევროპული ინსტიტუტის 35-მდე წარმომადგენელი და ისრაელის ქნესეთის ვიცე-სპიკერი ხილიკ ბარი ეწვივნენ.

„საქართველო ისრაელის მეგობარი ქვეყანაა და ებრაული კულტურული მემკვიდრეობის მარშრუტი ერთ-ერთი ინსტრუმენტია ისრაელთან და მსოფლიო ებრაელობასთან ურთიერთობაში“, - განაცხადა მისასალმებელი სიტყვით გამოსვლისას საქართველოს პარლამენტის თავმჯდომარის პირველი მოადგილემ, თამარ ჩუგოშვილმა.

თამარ ჩუგოშვილმა, როგორც ისრაელის სახელმწიფოს პარლამენტთან მეგობრობის ჯგუფის ხელმძღვანელმა, მადლობა გადაუხადა თავის ისრაელელ კოლეგას, ქნესეთის ვიცე-სპიკერს, საქართველოსთან მეგობრობის ჯგუფის ხელმძღვანელს ხილიკ ბარს აქტიური თანამშრომლობისთვის. მისივე თქმით, „ისრაელის სახლის“ აქტივობებმა მნიშვნელოვანი წვლილი შეიტანა ორი ქვეყნის ურთიერთობების გაღრმავებაში.

„საქართველოში ებრაული კულტურული მემკვიდრეობის სერტიფიცირებული მარშრუტის ამოქმედება კარგი ინსტრუმენტია, რომ ისრაელელებმა და მსოფლიო ებრაელობამ კიდევ უფრო უკეთესად გაიცნონ საქართველო. ყოფილ საბჭოთა სივრცეში, საქართველოს განსაკუთრებული ადგილი უკავია თანამედროვე ისრაელის ისტორიის ისეთ მნიშვნელოვან მოვლენებში, როგორიცაა დიდი ალია და მსოფლიო ებრაული სააგენტოს (სოხნუთის) კავშირში. ორივე შემთხვევაში, საქართველო იყო პირველი ქვეყანა, რომელმაც კარგი გაუღო ალიას და ებრაულ სააგენტოს (JEWISH AGENCY) სოხნუთს“,- აღნიშნა ჩუგოშვილმა.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით