ლადო მგალობლიშვილი  მარიამ ჯაშთან ერთად ბათუმის სკოლას „გორდა“ ეწვია

აჭარის ავტონომიური რესპუბლიკის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარე ლადო მგალობლიშვილი, საქართველოს პარლამენტის განათლების, მეცნიერებისა და კულტურის კომიტეტის თავმჯდომარესთან - მარიამ ჯაშთან ერთად, ბათუმის ელიტურ სკოლა „გორდაში“ მოსწავლეების შემეცნებითი უნარების განვითარებისთვის განხორციელებულ აქტოვობებს გაეცნენ.

როგორც „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს, სკოლის ადმინისტრაციამ და პედაგოგებმა კანონმდებლებს სასწავლო პროცესში დანერგილ სიახლეებსა და პროგრამებზე ინფორმაცია მიაწოდეს . შეხვედრა, რომელსაც აჭარის განათლების, კულტურისა და სპორტის მინისტრი ინგა შამილიშვილი, მინისტრის მოადგილე თეონა ბერიძე, ქალაქ ბათუმის მერი ლაშა კომახიძე და ვიცე-მერები ესწრებოდნენ, რიგის აგენსკალნების სახელმწიფო გიმნაზიის დელეგაციის ვიზიტისადმი მიძღვნილი პროგრამის ფარგლებში გაიმართა.

საგანმანათლებლო-კულტურული გაცვლითი პროგრამით ბათუმს გიმნაზიის დირექტორი, პედაგოგები და მოსწავლეები სტუმრობენ. შეხვედრის დასასრულს რიგელმა და ბათუმელმა მოსწავლეებმა ერთობლივი სპექტაკლი და კულტურული პროგრამა წარადგინეს, გაიმართა 2016-2017 სასწავლო წლის ოქროსა და ვერცხლის მედალოსანთა დაჯილდოება, ასევე, გორდას მკითხველთა კლუბის მიერ ორგანიზებულ რესპუბლიკურ კონკურსში გამარჯვებული საქართველოს სხვადასხვა რეგიონის მოსწავლეთა დაჯილდოების ცერემონიალიც.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე