გია ხუხაშვილი - დღეს „ნაციონალური მოძრაობა“ არის „ქართული ოცნება“

მურუსიძე და ჩინძალაძე წინა ხელისუფლებას მსახურებად ჰყავდა, დღევანდელმა ხელისუფლებამ პარტნიორებად გაიხადა და მუდმივ მოსამართლეებად გაამწესა. მიშას ისეთი სისტემა ჰქონდა, ნებისმიერ მომენტში ამ ხალხის გაყრა შესაძლებელი იქნებოდა,- განაცხადა ექსპერტმა გია ხუხაშვილმა „პალიტრანიუსის“ გადაცემაში „360 გრადუსი“.

გია ხუხაშვილმა პარლამენტის თავმჯდომარეც გააკრიტიკა და აღნიშნა, რომ მას არ აქვს უფლება შალვა შავგულიძე გააკრიტიკოს პარტია „ევროპული საქართველოს“ გვერდით დგომისთვის.

„დღევანდელი ხელისუფლება, განსაკუთრებით ბოლო ეტაპზე, მას შემდეგ, რაც კოლექტიური მურუსიძე მთლიანად გადმოიბარა, გახდა ყველაფერში სამართალმემკვიდრე წინა ხელისუფლების. დღეს „ნაციონალური მოძრაობა“ არის „ქართული ოცნება“, ისინი ერთნი არიან, მათ შორის მორალური ზღვარი არ არსებობს. კი აქვთ პრეტენზია, რომ მორალური უპირატესობა აქვთ, მაგრამ რისი უპირატესობა აქვთ, უარესებს აკეთებენ, მურუსიძე და ჩინძალაძე იმათ ჰყავდათ მსახურებად და დღევანდელმა ხელისუფლებამ პარტნიორებად გაიხადა და მუდმივ მოსამართლეებად გაამწესა. მიშას ისეთი სისტემა ჰქონდა, ნებისმიერ მომენტში ამ ხალხის გაყრა შესაძლებელი იქნებოდა. კობახიძე გამოდის და შავგულიძეს საყვედურობს, გირგვლიანის ადვოკატი როგორ წავიდა „ევროპულ საქართველოსთანო“. ადამიანო, ვისზე საუბრობ, გვერდზე ვინ გიზის, ისინი ნახე, მურუსიძის ლობისტი ხარ, ადამიანის, რომელმაც ყველაფერი გააკეთა, რომ გირგვლიანის მკვლელები გარეთ გამოსულიყვნენ ციხიდან და ეს ადამიანი მორალს უკითხავს შალვა შავგულიძეს. მეტი უტიფრობა გაგონილა?!“- აღნიშნა ხუხაშვილმა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს