ანრი ოხანაშვილი - მოსამართლეებთან დაკავშირებით, გავითვალისწინებთ ვენეციის კომისიის რეკომენდაციებს, რომელიც შესაბამისობაში უნდა იყოს კონსტიტუციასთან

პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, უზენაესი სასამართლოს მოსამართლეების არჩევის წესთან დაკავშირებით, პარლამენტი ვენეციის კომისიის ყველა იმ რეკომენდაციას გაითვალისწინებს, რომელიც საქართველოს კონსტიტუციასთან იქნება თავსებადი.

როგორც ოხანაშვილმა ჟურნალისტებთან საუბრისას განმარტა, მმართველ გუნდს საკონსტიტუციო რეფორმის დროს ვენეციის კომისიასთან ჰქონდა ნაყოფიერი თანამშრომლობა და ეს პროცესი გრძელდება საერთო სასამართლოების შესახებ დაგეგმილი ცვლილებების ფარგლებში.

„როდესაც ჩვენ კანონპროექტი პირველი მოსმენით განვიხილეთ, ის პარალელურად ვენეციის კომისიას გადავუგზავნეთ, ჩვენ გავითვალისწინებთ რეკომენდაციებს, რომელიც შესაბამისობაში უნდა იყოს საქართველოს კონსტიტუციასთან. დეტალურად გავეცნობით მათ მოსაზრებებს, ვიმსჯელებთ და გავითვალისწინებთ საქართველოს კონსტიტუციასთან შესაბამის ყველა რეკომენდაციას“, - აღნიშნა ანრი ოხანაშვილმა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს