ეკა ბესელიას დღის წესრიგშია პოლიტიკურ პროცესებში იტივტივოს – მასთან დაკავშირებით კითხვებზე პასუხების გაცემა უკვე არარელევანტურია, - ამის შესახებ ჟურნალისტებს უმრავლესობის წევრმა ვანო ზარდიაშვილმა განუცხადა.
მისი თქმით, ეკა ბესელია „ქართული ოცნების” პოლიტიკური გუნდის წევრი აღარ არის, მას საკუთარი დღის წესრიგი გააჩნია და არ აპირებს ბესელიას დღის წესრიგს აყვეს.
„მასთან დაკავშირებით კითხვებზე პასუხების გაცემა უკვე არარელევანტურია. ქართულ პოლიტიკაში უამრავი სხვა მნიშვნელოვანი საკითხია. ბესელიაზე პასუხების გაცემას აღარ ვაპირებ და მინდა საზოგადოებას ბოდიში მოვუხადო ამ არასასიამოვნო პროცესის ყურებისათვის”, - განუცხადა ჟურნალისტებს ვანო ზარდიაშვილმა.
ფარულ ჩანაწერებთან დაკავშირებით დასმული კითხვის პასუხად ზარდიაშვილმა აღნიშნა, რომ ამორალური ხალხია აღნიშნული ჩანაწერების შემკვეთი, გადამღები და გამავრცელებელი პირები.
დეპუტატმა საგამოძიებო ორგანოებს საქმის დროული გამოძიებისკენ მოუწოდა.