თამარ ჩუგოშვილი - უზენაესი სასამართლოს მოსამართლეების არჩევის წესზე ვენეციის კომისიის დასკვნას აპრილის შუა რიცხვებში ველოდებით

ჩვენი მოტივაციაა, ვენეციის კომისიის რეკომენდაციების მაქსიმალური გათვალისწინება, - ამის შესახებ ჟურნალისტებს პარლამენტის პირველმა ვიცე-სპიკერმა თამარ ჩუგოშვილმა განუცხადა.

„ორშაბათს და სამშაბათს ჩვენ ვენეციის კომისიის ექსპერტებს ვუმასპინძლებთ. ორი დღის განმავლობაში ისინი შეხვდებიან ყველას, ვისი აზრიც მნიშვნელოვანია სასამართლო რეფორმასთან დაკავშირებით. დაახლოებით აპრილის შუა რიცხვებში ველოდებით, რომ დასკვნა იქნება ხელმისწავდომი. ამის შემდეგ კანონპროექტის მეორე მოსმენით განხილვა დაიწყება. ჩვენ გადავაგზავნეთ ვენეციის კომისიაში კანონპროექტი იმ სულისკვეთებით, რომ მაქსიმალურად გაგვეთვალისწინებინა რეკომენდაციები, რომლებიც იქნება შემოთავაზებული ექსპერტების მხრიდან, მითუმეტეს, რომ ვენეციის კომისია საქართველოს ძალიან კარგად იცნობს, წლებია აანალიზებს სასამართლო რეფორმის მიმდინარეობას და ბუნებრივია, ჩვენი მოტივაცია არის, ამ რეკომენდაციების მაქსიმალური გათვალისწინება“, - განუცხადა ჟურნალისტებს თამარ ჩუგოშვილმა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს