შევთანხმდით, რომ სოციალური მომსახურების სააგენტოს 16 ფსიქოლოგი დაემატება, - ამის შესახებ ჟურნალისტებს ჯანდაცვის მინისტრის მოადგილემ თამილა ბარკალაიამ განუცხადა.
მისივე ინფორმაციით, ავტომობილები გადანაწილდება იქ, სადაც ტაქსის სერვისი არ არის, ხოლო ტაქსი გამოყენებული იქნება იქ, სადაც ამის შესაძლებლობა არსებობს.
„შესაბამისად, ეს გაუგებრობა გარკვეული იქნება. ახლა ორი საკითხია ღიად - ერთი არის ის, რომ ხუთ ტერიტორიულ ერთეულში რემონტი ვერ ხერხდება, რადგან ჩვენს ბალანსზე არ არის. ტენდერი ყველგან გამოცხადებულია, გარდა ხუთი ტერიტორიული ერთეულისა. ამ ხუთ ტერიტორიულ ერთეულთან დაკავშირებით პარლამენტმა თქვა, რომ პროცესში ჩაერთვება - ნახავენ რა დამატებითი რესურსია საჭირო, რომ შესაბამისი სამუშაო პირობები გაიმართოს. სოციალური მუშაკებისთვის ხელფასების მომატება კანონით ისედაც იყო გათვალისწინებული 2020 წელს, თუმცა დაუყოვნებლივ მატებას ითხოვენ. ამასთან დაკავშირებით პარლამენტის მხარდაჭერით დამატებითი კონსულტაციები გვექნება“, - განაცხადა თამილა ბარკალაიამ.
სოციალურ მუშაკებთან დაკავშირებულ საკითხებზე დღეს პარლამენტის ადამიანის უფლებათა დაცვის კომიტეტში იმსჯელეს.