შალვა ოგბაიძე - ტაქსებთან დაკავშირებული რეგულაციები ტაქსის მძღოლების საჭიროებებიდან გამომდინარე დაიგეგმა

საკრებულოს წევრი შალვა ოგბაიძე არასერიოზულად მიიჩნევს ოპოზიციის წარმომადგენლების განცხადებებს იმის შესახებ, თითქოს ავტომობილის თეთრ ფერად გადაღებვა მის ფასზე ნეგატიურად აისახება. ეს განცხადება დეპუტატმა საკრებულოს დღევანდელ სხდომაზე გააკეთა.

შალვა ოგბაიძის თქმით, ტაქსებთან დაკავშირებული რეგულაციები სწორედ ტაქსის მძღოლების საჭიროებებიდან გამომდინარე დაიგეგმა.

„ჩვენ ტაქსის მძღოლების პულსზე გვიდევს ხელი. საკრებულოს სატრანსპორტო საკითხთა კომისიას ყოველდღიური კავშირი აქვს მერიის ტრანსპორტის საქალაქო სამსახურთან და ყველა საკითხი შეჯერებული და გავლილია“,- განაცხადა შალვა ოგბაიძემ.

დეპუტატის განმარტებით, პოლიტიკური პარტიები ეცადნენ, რომ ხელზე დაეხვიათ მოსაზრება თითქოს თეთრად გადაღებვა ფასს აკლებს ავტომობილს.

„მე, როგორც ავტომობილისტმა, შემიძლია გითხრათ, რომ ფასს აკლებს არა ფერი, არამედ ის, რომ ავტომობილი, რომელიც დიდი ხნის განმავლობაში ტაქსის ფუნქციას ასრულებდა, უფრო ნაკლებად ფასობს“,- განაცხადა შალვა ოგბაიძემ.

აღნიშნულ ინფორმაციას თბილისის საკრებულო ავრცელებს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე