სამართალდამცველებმა ქობულეთში პოლიციელებზე თავდასხმის ბრალდებით კიდევ ერთი პირი დააკავეს

სამართალდამცავებმა ქობულეთში პოლიციელებზე თავდასხმის ბრალდებით კიდევ ერთი პირი დააკავეს. 21 წლის გიორგი ანთაძე სამართალდამცავებმა ბათუმში, სპეცოპერაციისას დააკავეს. შინაგან საქმეთა სამინისტროს ინფორმაციით, აღნიშნული პირი ძებნაში იმყოფებოდა.

როგორც დაკავებული გიორგი ანთაძის დედამ, ნინო ანთაძემ ჟურნალისტებს განუცხადა, მისი შვილი ინციდენტში შემთხვევით მოხვდა და მას არანაირი თავდასხმა სამართალდამცავების მიმართ არ განუხორციელებია.

იგი სამართალდამცავებს შვილის ცემაში ადანაშაულებს.

„ჩემი შვილი დღეს საადვოკატო ბიუროში მოვიდა, ადვოკატის ასაყვანად და აქაც სამართალდამცავები მოვიდნენ - ფიზიკურად გაუსწორდნენ და დააკავეს“, - აცხადებს ნინო ანთაძე.

არსებული ინფორმაციით, ქობულეთში ორი დღის წინ ახალგაზრდებს შორის მომხდარი ინციდენტის დროს, გაშველებისას ქობულეთის პოლიციის განყოფილების ორ თანამშრომელს ახალგაზრდები ფიზიკურად გაუსწორდნენ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ