„ფეისბუქი“ ევროპარლამენტის არჩევნების წინ პოლიტიკური რეკლამის წესებს ამკაცრებს

ევროპარლამენტის არჩევნების წინ, რომელიც მაისში გაიმართება, სოციალურმა ქსელმა „ფეისბუქმა“ პოლიტიკური რეკლამის წესების გამკაცრება დააანონსა. ამის შესახებ „დოიჩე ველე“ იუწყება.

„არჩევნებში ჩარევისა და ბოროტად გამოყენების თავიდან ასაცილებლად, ევროკავშირიდან რეკლამის ყველა დამკვეთმა თავის ქვეყანაში ავტორიზაცია უნდა გაიაროს. მხოლოდ ასე შეძლებენ ევროპარლამენტის არჩევნებთან დაკავშირებული რეკლამის გაშვებას“, - განაცხადა სოციალური ქსელის მენეჯერმა რიჩარდ ალენმა.

მისი თქმით, რეკლამის დამკვეთის იდენტობის დამატებითი შემოწმება და ადგილმდებარეობა დამატებითი ბარიერი უნდა გახდეს მათთვის, ვინც ფიქრობს, რომ რეკლამა გამოიყენოს საზღვარგარეთიდან არჩევნებში ჩასარევად.

აღსანიშნავია, რომ მსგავსი ზომები „ფეიბუქმა“ უკვე განახორციელა კანადასა და ინდონეზიაში ჩატარებული არჩევნების დროს.

ამავდროულად, „ფეისბუქმა“ განაცხადა, რომ ეს ზომები არ არის საკმარისი სამანიპულაციო კონტენტის სრულად აღმოსაფხვრელად.

ევროპარლამენტის არჩევნები ევროკავშირის წევრ ქვეყნებში 2019 წლის 23-26 მაისს გაიმართება.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა