გუდაურში დიპლომატიური სათხილამურო შეჯიბრი "DipSki2019" გაიმართება

საქართველოს საგარეო საქმეთა სამინისტროს ინიციატივით და მთის კურორტების განვითარების კომპანიის ჩართულობით, 2019 წლის 31 მარტს, გუდაურში, დიპლომატიური სათხილამურო შეჯიბრი „DipSki2019“ გაიმართება.

საგარეო საქმეთა სამინისტროს ინფორმაციით, ტურნირი მესამედ ტარდება და მიზნად ისახავს საქართველოს სამთო-სათხილამურო კურორტების პოპულარიზაციას.

მისივე ცნობით, „DipSki2019“-ში მონაწილეობას მიიღებენ საქართველოში აკრედიტებული დიპლომატიური კორპუსის, საგარეო საქმეთა სამინისტროს, მინისტრთა კაბინეტისა და საქართველოს საკანონმდებლო ორგანოს წარმომადგენლები.

მათივე ინფორმაციით, შეჯიბრის მონაწილეებს მისასალმებელი სიტყვით მიმართავს საქართველოს საგარეო საქმეთა მინისტრი დავით ზალკალიანი. სათხილამურო ტურნირის გამარჯვებულებს გადაეცემათ სპეციალურად ღონისძიებისთვის დამზადებული ჯილდოები.

ცნობისთვის, დიპლომატიური სათხილამურო შეჯიბრი - “DipSki” საქართველოს საგარეო საქმეთა სამინისტროს ინიციატივით, 2017 წლიდან იმართება.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე