საქართველოს პარლამენტის წევრი, შავი ზღვის ქვეყნების ეკონომიკური თანამშრომლობის საპარლამენტო ასამბლეის (PABSEC) იურიდიულ და პოლიტიკურ საკითხთა კომიტეტის თავმჯდომარის მოადგილე რამაზ ნიკოლაიშვილი სამუშაო ვიზიტით თურქეთში, ქალაქ სტამბულში იმყოფება, სადაც ადგილობრივი თვითმმართველობის არჩევნებს აკვირდება, - ამის შესახებ „ინტერპრესნიუსს“ „ევროპული საქართველოდან“ აცნობეს.

ვიზიტის ფარგლებში რამაზ ნიკოლაიშვილმა შეხვედრა გამართა ქალაქ სტამბულის მერობის კანდიდატ ბინალი ილდირიმთან, რომელიც წარმოადგენს თურქეთის მმართველ პარტიას და რომელიც იყო თურქეთის პარლამენტის თავმჯდომარე, ყოფილი პრემიერ-მინისტრი.