ავღანეთის ვიცე-პრეზიდენტზე თავდასხმას მსხვერპლი მოყვა

დაჯგუფება „თალიბანმა“ ავღანეთის ვიცე-პრეზიდენტზე, გენერალ აბდულ-რაშიდ დუსთუმზე თავდასხმა განახორციელა. „ფრანსპრესის“ ინფორმაციით, ტერორისტები ვიცე-პრეზიდენტის კორტეჟს სამ ლოკაციაზე ჩაუსაფრდნენ, სადაც მის ავტომანქანებს უნდა გაევლო მაზარი-შარიფიდან შიბარგანის მიმართულებით.

კორტეჟის მისამართით ცეცხლის გახსნის შედეგად, დუსთუმის დაცვის ორი წევრი გარდაიცვალა, მის კორტეჟში მყოფი ადამიანების უმეტესობა დაიჭრა. თავად 65 წლის ვიცე-პრეზიდენტრი არ დაშავებულა.

„თალიბანი“ თავის ინფორმაციაში, რომელიც „ტვიტერის“ გვერდზე გაავრცელა, დაცვის ოთხი წევრის გარდაცვალებაზე იუწყება. ავღანელი სამხედროების მტკიცებით კი, თავდამსხმელთა მხრიდან დაღუპული და დაჭრილია 11 ადამიანი. ვიცე-პრეზიდენტის დაცვამ ერთი თავდასხმელის ტყვედ აყვანა მოახერხა.

ეს აბდულ-რაშიდ დუსთუნზე თავდასხმის პირველი შემთხვევა არ არის. ბოლოს მასზე თავდასხმა 2018 წლის ივლისშიც მოხდა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს