ეკონომიკისა და მდგრადი განვითარების მინისტრის გიორგი ქობულიას განცხადებით, ანაკლიის განვითარების კონსორციუმის სხვა კომპანიით ჩანაცვლება არ იგეგმება.
ამასთან, როგორც მინისტრმა ჟურნალისტებს განუცხადა, ბუნებრივია სახელმწიფოს ინტერესი, რომ შეფასდეს იურიდიული რისკები.
„ჩვენ ვიცით, რომ გვაქვს სირთულეები კონსორციუმის მხრიდან კაპიტალის მოზიდვის თვალსაზრისით. აგრეთვე გვაქვს სირთულეები დამფინანსებელ ინსტიტუტებთან მოლაპარაკებებში. ამიტომ აზრიანია, რომ ჩვენ შევაფასოთ იურიდიული რისკები, თუ კონსორციუმმა ვერ შეძლო კაპიტალის მოზიდვა, ან ჩვენ ვერ მოვილაპარაკეთ საფინანსო ინსტიტუტებთან“, - აღნიშნა გიორგი ქობულიამ.