არჩილ თალაკვაძე - მივესალმებით იმ პრეზიდენტს, რომელსაც უკრაინელი ხალხი აირჩევს

მივესალმებით იმ პრეზიდენტს, რომელსაც უკრაინელი ხალხი აირჩევს, - ამის შესახებ საპარლამენტო უმრავლესობის ლიდერმა არჩილ თალაკვაძემ უკრაინის საპრეზიდენტო არჩევნებთან დაკავშირებით განაცხადა.

მისივე თქმით, საქართველო უკრაინასთან მჭიდრო თანამშრომლობას გააგრძელებს.

„ჩვენ ვგულშემატკივრობთ ჩვენს მეგობარ ქვეყანას და მის დემოკრატიას. არჩევნები არის დემოკრატიის ნაწილი და დარწმუნებული ვართ, რომ უკრაინელი ხალხი თავის საბოლოო არჩევანს გააკეთებს. მივესალმებით პრეზიდენტობის იმ კანდიდატს და იმ არჩეულ პრეზიდენტს, რომელსაც აირჩევს უკრაინელი ხალხი",- განაცხადა თალაკვაძემ.

უკრაინაში ამომრჩეველთა ხმების 40%-ის დათვლის შედეგად, ცნობილი მსახიობი და შოუმენი ვლადიმერ ზელენსკი ხმათა 30.23%-ით ლიდერობს. აღნიშნულ შედეგებს უკრაინის ცენტრალური საარჩევნო კომისია ავრცელებს.

მოქმედი პრეზიდენტი პეტრო პოროშენკო მეორე ადგილზეა. მან ამომრჩეველთა ხმების 16.65% მიიღო.

საპრეზიდენტო არჩევნების კიდევ ერთი ფავორიტი, პარტია „ბატკივშინას“ ლიდერი იულია ტიმოშენკო კი მესამე ადგილს იკავებს ამომრჩეველთა ხმების 13.14%-ით.

იქედან გამომდინარე, რომ არც ერთ კანდიდატს 50 %-ს პლუს 1 ხმა არ მიუღია, ორ კვირაში არჩევნების მეორე ტური გაიმართება.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს