სალომე სამადაშვილი -  ვენეციის კომისიის დასკვნის მოთხოვნა ხელისუფლების მხრიდან სრულიად ფორმალურ ხასიათს ატარებს

მოსამართლეთა შესახებ უმრავლესობის პროექტი მორგებულია ხელისუფლების პოლიტიკურ დღის წესრიგს, რომ რაც შეიძლება სწრაფად დააკომპლექტოს უზენაესი სასამართლო მისთვის სასურველი მოსამართლეებით,- აღნიშნული შეფასება "ნაციონალური მოძრაობის" წევრმა სალომე სამადაშვილმა ვენეციის კომისიის წევრებთან შეხვედრის შემდეგ განაცხადა.

როგორც სამადაშვილი აცხადებს, მან და მისმა თანაგუნდელებმა კომისიის წევრებს საკუთარი პოზიციები გააცნეს და გაუზიარეს მოსაზრება, რომ აღნიშნული პროექტი მმართველ გუნდზეა მორგებული.

"საზოგადოებას უნდა ესმოდეს, რომ ვენეციის კომისიის დასკვნის მოთხოვნა ხელისუფლების მხრიდან ატარებს სრულიად ფორმალურ ხასიათს. თვითონ ვენეციის კომისიის წარმომადგენლები აცხადებენ, რომ მათ არ აქვთ ფაქტობრივად საკმარისი დრო იმისთვის, რომ მოამზადონ საკუთარი დასკვნები და რეკომენდაციები. ხელისუფლება სწორედ ასე ფორსირებულად ცდილობს ამ კანონპროექტის გატანას პარლამენტში, რადგან ეს პროექტი არის მორგებული ხელისუფლების პოლიტიკურ დღის წესრიგს, რომ რაც შეიძლება სწრაფად დააკომპლექტოს უზენაესი სასამართლო მისთვის სასურველი მოსამართლეებით. ჩვენ ვენეციის კომისიას გავაცანით ჩვენი ხედვა, მაგრამ მთავრობა არ აძლევს ვენეციის კომისიას როგორც ჩანს, საერთოდ საკმარის დროს იმისთვის, რომ მათ რაიმე მნიშვნელოვანი მონაწილეობა მიიღონ ამ პროცესში",- განაცხადა სამადაშვილმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ