2019 წლის მონაცემებით, სამუშაო ადგილებზე 9 ადამიანი დაიღუპა და 4 ადამიანი მძიმედ დაშავდა. ამის შესახებ „ინტერპრესნიუსს“ საქართველოს პროფკავშირების გაერთიანებაში განუცხადეს.
პროფკავშირების ინფორმაციით, 2018 წლის განმავლობაში სამუშაო ადგილზე 59 ადამიანი გარდაიცვალა და მძიმედ დაშავდა 199 ადამიანი. 2017 წელს გარდაიცვალა 47 და 106 მძიმედ დაშავდა. 2016 წელს კი 58 ადამიანი გარდაიცვალა, 85 - მძიმედ დაშავდა.