ეროვნული ბანკის პრეზიდენტ კობა გვენეტაძეს პარლამენტში პარასკევს, 5 აპრილს, პლენარულ სხდომაზე მოუსმენენ.
გვენეტაძე პარლამენტის წინაზე საკუთარი ინიციატივით - რეგლამენტის 154-ე მუხლით დადგენილი წესით გამოვა.
როგორც ბიუროს სხდომაზე პარლამენტის თავმჯდომარემ ირაკლი კობახიძემ განაცხადა, ეროვნული ბანკის პრეზიდენტს „თიბისი ბანკთან“ დაკავშირებით ეროვნული ბანკის მიერ მიღებული გადაწყვეტილებების და საცალო დაკრედიტების რეგულაციების საკითხზე მოუსმენენ.
როგორც ცნობილია, ფრაქცია „ევროპულმა საქართველომ“ ეროვნული ბანკის პრეზიდენტი პარლამენტის საფინანსო-საბიუჯეტო კომიტეტის სხდომაზე „თიბისი“ ბანკთან დაკავშირებით დაიბარა. ამასთან, ფრაქციამ კობა გვენეტაძე დარგობრივი ეკონომიკის კომიტეტის სხდომაზე საბანკო რეგულაციების თაობაზე მიიწვია. კომიტეტებში კობა გვენეტაძის მოსმენა არ გამართულა.