ომბუდსმენი - 2018 წელს შსს-მ არასრულწლოვნის გაუპატიურების 26 სავარაუდო შემთხვევაზე დაიწყო გამოძიება

2018 წელს არასრულწლოვნის გაუპატიურების 26 სავარაუდო შემთხვევაზე შინაგან საქმეთა სამინისტრომ გამოძიება დაიწყო, - ამის შესახებ სახალხო დამცველის 2018 წლის ანგარიშშია ნათქვამი.

ანგარიშში აღნიშნულია, რომ 2018 წელს კვლავ მაღალი იყო ბავშვის მიმართ სქესობრივი თავისუფლებისა და ხელშეუხებლობის წინააღმდეგ მიმართულ ქმედებების რიცხვი.

„საქართველოს შინაგან საქმეთა სამინისტროს ინფორმაციით, ამ პერიოდში არასრულწლოვნის მიმართ სავარაუდო სექსუალური ძალადობის 331 შემთხვევაზე დაიწყო გამოძიება, მათ შორის იყო არასრულწლოვნის გაუპატიურების 26 სავარაუდო შემთხვევა, გარყვნილი ქმედების 81 საქმე და თექვსმეტი წლის ასაკს მიუღწევლის სხეულში სექსუალური ხასიათის შეღწევის 205 საქმე. ამასთან, 2018 წელს, ჯამში, შსს-მ სავარაუდო სექსუალური ძალადობის 405 შემთხვევა დაარეგისტრირა, რომელთაგანაც გაიხსნა 156 საქმე.

ბავშვის მიმართ სექსუალური ძალადობის ზემოაღნიშნული მაჩვენებელი საგანგაშოდ მაღალია და ეფექტიანი პრევენციის მისაღწევად, დაუყოვნებელი ღონისძიებების გატარებას საჭიროებს. ამ ფონზე, სახელმწიფოს ამ დრომდე არ შეუმუშავებია კონკრეტული სამოქმედო გეგმა და რეაბილიტაციის კონცეფცია არასასურველი სექსუალური ხასიათის ქმედებებისგან ბავშვების დასაცავად,” - ნათქვამია სახალხო დამცველის ანგარიშში.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს