აქციის მონაწილეები „სახალხო მოძრაობის“ შექმნას აანონსებენ

აქციის „სოლიდარობა მუშებს“ მონაწილეები დღეს საპროტესტო აქციებს შეაჩერებენ, თუმცა ამ ტიპის პრობლემებთან დაკავშირებით ბრძოლას გააგრძელებენ, - ამის შესახებ ჟურნალისტებს აქციის ერთ-ერთმა მონაწილემ გიორგი ღვინჯილიამ თბილისი მერის კახა კალაძის სახლთან განუცხადა, სადაც ამ წუთებში აქციის მონაწილეები არიან შეკრებილები.

აქციის მონაწილეებმა ჭავჭავაძის გამზირზე, კალაძის საცხოვრებელ სახლთან, საავტომობილო გზა ცალმხრივად გადაკეტეს. ამასთან, ითხოვენ, რომ კალაძე მათ შეხვდეს, გაესაუბროს ჭავჭავაძის გამზირზე ორი მუშის ტრაგიკულად გარდაცვალების ფაქტზე და ასევე, ,წარმოადგინოს მისივე ხედვები მშენებლობის დროს უსაფრთხოების ნორმების დაცვასთან დაკავშირებით.

„დღეს "სოლიდარობის ქსელით" დაანონსდება შეხვედრის ადგილი. ვიწვევთ ტაქსის მძღოლებს, იპოთეკით დაზარალებულებს, დევნილებს და ყველა ჩაგრულ ჯგუფს, რათა ყველამ ერთად დავაანონსოთ "სახალხო მოძრაობა ", რომელიც იბრძოლებს ხალხის უფლებებზე. ვნახოთ, ვინ ვის შეხვდება, .ალბათ, ვეცოტავებით.. ასე გაგრძელება არ შეიძლება .ყველა მოდით, ,ამიტომ შეხვედრებს ვაანონსებთ დამოუკიდებელ ჯგუფებთან. რაც შეხება დღევანდელ საღამოს, ახლა ამ აქციას ვაჩერებთ, მაგრამ ვაანონსებთ შეხვედრებს დამოუკიდებელ ჯგუფებთან“, - განაცხადა ღვინჯილიამ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს