პერსონალურ მონაცემთა დაცვის ინსპექტორი თამარ ქალდანი პარლამენტის იურიდიულ საკითხთა კომიტეტს რიგით მეექვსე ყოველწლიურ ანგარიშს აცნობს. პარლამენტში წარდგენილი დოკუმენტი 2018 წელს ქვეყანაში პერსონალური მონაცემების დაცვის მდგომარეობას და პერსონალურ მონაცემთა დაცვის ინსპექტორის მიერ გაწეულ საქმიანობას აჯამებს.

თამარ ქალდანის ინფორმაციით, მომართვიანობისა და ინსპექტირების ზრდის ტენდენცია მეექვსე წელია უცვლელია. კერძოდ, მოქალაქეების 382 მომართვისა და ჩატარებული 148 ინსპექტირების შედეგად, გამოვლინდა ადმინისტრაციული სამართალდარღვევის 266 ფაქტი. 72 ფაქტზე მოხდა ჯარიმის დაკისრება, 61 ფაქტზე - გაფრთხილება, 67 სამართალდარღვევაზე პასუხისმგებლობის დაკისრება ვერ მოხერხდა კანონმდებლობით გათვალისწინებული 2-თვიანი ხანდაზმულობის ვადის გამო.

დამატებით გაიცა შესასრულებლად სავადებულო 316 დავალება და რეკომენდაცია.

როგორც პერსონალურ მონაცემთა დაცვის ინსპექტორი აცხადებს, მნიშვნელოვანია, რომ მოქალაქეთა მომართვიანობისა და ჩატარებული შემოწმებების რაოდენობის ზრდის ფონზე, გასული 6 წლის განმავლობაში პირველად დაფიქსირდა სამართალდარღვევებისა და ჯარიმების რაოდენობის კლება.

საჯარო სექტორში, მსხვილ და საშაულო ბიზნესში საგრძნობლად გაზრდილია პერსონალური მონაცემების დაცვის შესახებ ინფორმირებულობის დონე, ასევე ინტერესი ინსპექტორის აპარატთან წინასწარი კონსულტაციების მიმართ.

„მნიშვნელოვანია მოქალაქეების აქტიურობის ზრდაც - 2018 წელს გაწეული 6100-ზე მეტი კონსულტაციიდან ძირითადი ნაწილი სწორედ მოქალაქეებზე მოდიოდა“, - აღნიშნა პერსონალურ მონაცემთა დაცვის ინსპექტორმა.