სახალხო დამცველის, ნინო ლომჯარიას შეფასებით, ხორავას ქუჩაზე მომხდარი მკვლელობის საქმეზე, გამოძიების ინტერესი შესაძლოა, თავიდანვე არ ყოფილიყო ყველა შესაძლო დამნაშავის გამოვლენა.

მისი თქმით, ადგილი ჰქონდა ჩაუტარებელ საგამოძიებო მოქმედებებს, რომლებმაც არსებითი გავლენა იქონიეს გამოძიების შედეგებზე.

"რაც შეეხება ხორავას ქუჩაზე მომხდარი მკვლელობის გამოძიებას, ჩვენს მიერ შესწავლილი მასალების საფუძველზე, შეგვიძლია განვაცხადოთ, რომ სახალხო დამცველის შეფასებით, გამოძიების ინტერესი შესაძლოა, თავიდანვე არ ყოფილიყო ყველა შესაძლო დამნაშავის გამოვლენა. ადგილი ჰქონდა ჩაუტარებელ საგამოძიებო მოქმედებებს, რომლებმაც არსებითი გავლენა იქონიეს გამოძიების შედეგებზე. ჩვენი აზრით, სახეზე გვაქვს სავარაუდო სამოხელეო დანაშაული. გაიცა რეკომენდაცია, რომ დაწყებულიყო ამ მიმართულებით გამოძიება, თუმცა სამწუხაროდ, ეს რეკომენდაცია პროკურატურამ არ შეასრულა. დაწყებულია მხოლოდ სამსახურეობრივი შემოწმება, რომლის შედეგებიც სამწუხაროდ, კვლავ არ არის საზოგადოებისთვის ცნობილი", - აღნიშნა სახალხო დამცველმა.