სალომე ზურაბიშვილის განცხადება ცოტა უცნაურია, რადგან მისი გაპრეზიდენტებაც ბიძინა ივანიშვილს უკავშირდება", - ასე აფასებს ფრაქცია "ევროპული საქართველოს" თავმჯდომარე, ოთარ კახიძე, საქართველოს პრეზიდენტის "შპიგელთან" გაკეთებულ განცხადებას, რომ "ქართულმა ოცნებამ" ბიძინა ივანიშვილის გარეშე ვერ შეძლო სიტუაციის კონტროლქვეშ აყვანა.

ოთარ კახიძის შეფასებით, ბიძინა ივანიშვილის რესურსების დამოუკიდებლად, არც სალომე ზურაბიშვილს და არც მმართველ პარტიას არ აქვს ანგარიშგასაწევი ავტორიტეტი.

"სალომე ზურაბიშვილის განცხადება ცოტა უცნაურია, რადგან მისი გაპრეზიდენტებაც ბიძინა ივანიშვილს უკავშირდება. დამოუკიდებლად ქალბატონი სალომე არ წარმოადგენს ანგარიშგასაწევ პოლიტიკოსს, ისევე როგორც ცალკე აღებული "ქართული ოცნება" ბიძინა ივანიშვილის გარეშე," - განაცხადა ოთარ კახიძემ.