კახა კალაძე ბაღებში რძის პროდუქტებში აღმოჩენილ ხარვეზებზე კომპანიის დაჯარიმებაზე - კანონის შესაბამისად განხორციელდება ყველა ზომა

იმისთვის რომ საბავშვო ბაღებში არასწორი პროდუქტები არ შევიდეს შემოწმებები მომავალშიც გაგრძელდება და კანონის შესაბამისად განხორციელება ყველა ზომა, - ასე გამოეხმაურა თბილისის მერი კახა კალაძე საბავშვო ბაღებში რძის პროდუქტებთან დაკავშირებით აღმოჩენილ ხარვეზებს.

„როდესაც ხდება ასეთი ტიპის დარღვევები, შესაბამისი რეაგირება და ქმედებების განხორციელება ხდება ჩვენი მხრიდან. შემთხვევით არ არის რომ ხორციელდება შემოწმებები, რაც რა თქმა უნდა, მომავალშიც გაგრძელდება, იმისთვის რომ ჩვენ ყველანაირად დაცულები ვიყოთ, რომ არასწორი პროდუქტები არ შევიდეს საბავშვო ბაღებში და არა მხოლოდ საბავშვო ბაღებში, ზოგადად ამ მიმართულებით გამკაცრებული მუშაობა მნიშვნელოვანია თითოეული ჩვენგანისთვის, მნიშვნელოვანია ქალაქში მცხოვრები ადამიანისთვის, რომ უსაფრთხო, სუფთა პროდუქტები მიიღონ სხვადასხვა კონკრეტულ ადგილებში. ამ მიმართულებით აუცილებლად მოსაწესრიგებელია მდგომარეობა. რაც შეეხება კითხვას დაჯარიმდება თუ არა კომპანია, რომელმაც დაარღვია დაწესებული ნორმა, რა თქმა უნდა, კანონის შესაბამისად განხორციელდება ყველა ზომა“, -განაცხადა კახა კალაძემ.

არაჟანში, ხაჭოსა და ყველში აღმოჩენილი შეუსაბამობების გამო, 27 მარტიდან თბილისის ბაგა-ბაღების კვების რაციონიდან აღნიშნული პროდუქტები ამოღებულია. აღნიშნული პროდუქტების კვლევა 13 ბაგა-ბაღში ჩატარდა, საიდანაც დარღვევები მხოლოდ 111-ე ბაღში აღმოჩნდა. ამის შესახებ ბაგა-ბაღების საკვები პროდუქტებით მომმარაგებელი კომპანიის, “ნილის” წარმომადგენელმა თეონა ნინოშვილმა განაცხადა.

უფრო კონკრეტულად, მონიტორინგის მიხედვით, შპს “ქობულეთურის” მიერ წარმოებულ არაჟანსა და ხაჭოში მცენარეული ცხიმი, ხოლო სასოფლო სამეურნეო კოოპერატივის მიერ წარმოებულ ყველში რძის ფხვნილი აღმოჩნდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი