დღეს სუნიტი მუსლიმები „მიღრაჯის ღამის“ დღესასწაულს აღნიშნავენ. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.
„დღეს სუნიტი მუსლიმებისთვის მნიშვნელოვანი დღესასწაულია - „მიღრაჯის ღამე“, რომელიც მუჰამედის ღამის მოგზაურობასა და მის ცად ამაღლებას უკავშირდება. მიღრაჯის ღამე შუამავლის ერთ-ერთი უდიდესი სასწაულია, რომლის შემდეგაც მუჰამედმა მუსლიმებს დიდი საჩუქარი, ხუთგზის ლოცვა - ნამაზი უბოძა. რელიგიის საკითხთა სახელმწიფო სააგენტო საქართველოს სუნიტ მუსლიმ თემს ულოცავს დღესასწაულს“,- ნათქვამია რელიგიის საკითხთა სახელმწიფო სააგენტოს მიერ გავრცელებულ ინფორმაციაში.