საქართველომ აბუ-დაბის საქმიანი ტურიზმის გამოფენაში მიიღო მონაწილეობა. ამის შესახებ ინფორმაციას ტურიზმის ეროვნული ადმინისტრაცია ავრცელებს.

როგორც უწყებაში განმარტავენ, არაბთა გაერთიანებულ საამიროებში ტურისტულ გამოფენაში მონაწილეობა ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის საკონვენციო და საგამოფენო ბიურომ მიიღო.

„IBTM Arabia-ზე ტურიზმის ეროვნული ადმინისტრაციის საკონვენციო და საგამოფენო ბიურო იყო წარდგენილი.

გამოფენის ფარგლებში სპარსეთის ყურის თანამშრომლობის საბჭოს (GCC) წევრი ქვეყნების და ევროპის საქმიანი ტურიზმის სფეროში მოღვაწე ორგანიზაციების წარმომადგენლებთან 40-ზე მეტი შეხვედრა გაიმართა, სადაც საქართველოში სხვადასხვა მასშტაბური ღონისძიების გამართვის შესაძლებლობები განიხილეს,“- აღნიშნულია გავრცელებულ ინფორმაციაში.